My plan is om 2H00 weg te trek, JT en Leon wil hê ek moet saam ry, maar ek is nog te swaar in die broek, hulle los my by Ongeluksnek, my dif trek nog swaar....
Op Blackfountain vang ek hulle weer, hulle het so bietjie van 'n klein Picasso gemaak, vinnig is ons weer op koers. Blackfountain bly maar 'n bliksem in die donker en 5 ure later trek ons by Tinana in.
Hulle besluit op die alternatiewe roete uit, dis weer 'n moerse klim en my diff wil, wil olie lek en hulle trek weer onder my uit, op 'n stadium weet ek nie of ek voor of agter die manne is nie, op my beste vermoed ek toe mar ek is voor hulle net om teen 11h25 te herenig in Vuvu. Ek het die tygerline gevat, want tydens ons recce het JT bevestig dis vinniger, hulle het natuurlik die kontoerpad gevat, wat niie klaar was tydens die recce nie en toe voor my ge-eindig by Vuvu
Ek besluit om die Vuvu hoendertjies te los die keer, julle weet natuurlik dat hulle honde gebruik om die hoendertjies te jaag en lekker taai te maak....
Op Lehanas pak my diff op, nie genoeg ge-eet nie, moes dalk 'n taai hoendertjie in die keel afgegooi het, ek besluit om nie die Tygerline te vat alhowel ek beplan om in Rhodes te slaap nie Smaak my Afriski het hul sneeu masjien aan vergeet, dit voel of ek in 'n vrieskas inklim. Ek begin bewe soos 'n riet, sukkel om my skoene aan te trek, gee sulke lang vloeke wat niemand hoor nie, dis flippen koud, my hande is gevries en die son skyn nog.
Rhodes is een van daai plekkies wat nooit nader kom nie, deels omdat jou bene moertoe is en deels omdat die plekkie wegsteek is en min huise se ligte brand. Daar is 'n moerse afdraande, net om jou heeltemal te vries en dan daag die laaste 10 km op, en Rhodes wil net nie gebeur nie, seker maar omdat al die olie uit my dif is...
Kom donker by Rhodes aan, net om JT en Leon aan die etenstafel te vind, wil ek saam, hulle gaan Chesneyworld toe ? JT oortuig my amper, maar ek besluit op 'n warm stort, dis mal koud en die oorblyfsels is maar min, Alex het sy bokse vir my gegee, maar die manne het sy boks klaar verskeur.....
Ek koop 'n coke of twee, my rooklus neem oor en ek bedel 'n pyl of twee by die kroegman, wat my met verwondering aankyk, hulle verkoop nie pyle nie, was toe my gaai en rook toe sommer albei pyle, dit wil vir my voorkom of more nogal koellerig kan wees......
No comments:
Post a Comment